စိတ်
စိတ်နှင့် စပ်ဆိုင်သမျှ သဘောတရားတို့သည် ( ကြံစည်ခြင်း၊ပြောဆိုခြင်း ၊ ပြုလုပ်ခြင်းဟူသမျှတို့သည် ) စိတ်သာလျှင်ရှေ့သွားရှိကုန်၏။ စိတ်သာလျှင် အကြီးအမှူး ရှိကုန်၏။ စိတ်ဖြင့်ပြီးကုန်၏။ တစ်စုံတစ်ယောက်သောသူ သည် ပြစ်မှားလိုသော (မကောင်းသော) စိတ်ဖြင့် ပြောမူလည်း ပြောအံ့၊ ပြုမူလည်း ပြုအံ့၊ ကြံမူလည်း ကြံစည်အံ့ ထိုသို့ ပြစ်မှားလိုသော စိတ်ဖြင့် ပြောဆိုခြင်း၊ ပြုလုပ်ခြင်း ၊ ကြံစည်ခြင်းကြောင့် ထိုသူနောက်သို့ လှည်းဘီးစက်သည် ၀န်ကိုဆောင်သော နွား၏ခြေရာသို့ အစဉ်လိုက်သကဲ့သို့ ဆင်းရဲသည်အစဉ်လိုက်၏။
စိတ်နှင့် စပ်ဆိုင်သမျှ သဘောတရားတို့သည် ( ကြံစည်ခြင်း၊ ပြောဆိုခြင်း၊ ပြုလုပ်ခြင်း ဟူသမျှတို့သည် ) စိတ်သာလျှင် ရှေ့သွားရှိကုန်၏။ စိတ်သာလျှင် အကြီးအမှူးရှိကုန်၏။တစ်စုံတစ်ယောက်သောသူသည် ကြည်ညို သော ( ကြည်လင်သော) စိတ်ဖြင့်ပြောမူလည်း ပြောအံ့၊ ပြုမူလည်း ပြုအံ့၊ ကြံမူလည်း ကြံစည်အ့ံ၊ ထိုသို့ ကြည်လင်သော စိတ်ဖြင့်ပြောဆိုခြင်း၊ ပြုလုပ်ခြင်း၊ ကြံစည်ခြင်းကြောင့် ထိုသူနောက်သို့ အရိပ်သည် အစဉ်လိုက်သကဲ့သို့ ချမ်းသာသည် အစဉ်လိုက်၏။
ဓမ္မပဒ
